781 செயற்கரிய யாவுள நட்பின் அதுபோல்nவினைக்கரிய யாவுள காப்பு. 782 நிறைநீர நீரவர் கேண்மை பிறைமதிப்nபின்னீர பேதையார் நட்பு. 783 நவில்தொறும் நூல்நயம் போலும் பயில்தொறும்nபண்புடை யாளர் தொடர்பு. 784 நகுதற் பொருட்டன்று நட்டல் மிகுதிக்கண்nமேற்செனறு இடித்தற் பொருட்டு. 785 புணர்ச்சி பழகுதல் வேண்டா உணர்ச்சிதான்nநட்பாங் கிழமை தரும். 786 முகநக நட்பது நட்பன்று நெஞ்சத்துnஅகநக நட்பது நட்பு. 787 அழிவி னவைநீக்கி ஆறுய்த்து அழிவின்கண்nஅல்லல் உழப்பதாம் நட்பு. 788 உடுக்கை இழந்தவன் கைபோல ஆங்கேnஇடுக்கண் களைவதாம் நட்பு. 789 நட்பிற்கு வீற்றிருக்கை யாதெனின் கொட்பின்றிnஒல்லும்வாய் ஊன்றும் நிலை. 790 இனையர் இவரெமக்கு இன்னம்யாம் என்றுnபுனையினும் புல்லென்னும் நட்பு.